BOQORADII LAGAGA DAYDAY TAASH DUMARKU XIDHAAN WAQTIGA AROOSKA.

Markii ugu horeysay Taariikhda Taashka Cad ee Maanta inta ugu badan aroosyada dumarka caalamka ku nool ay usoo xirtaan waxaa Arooskeedii usoo xiratay Queen Victoria markuu Guursanayay Boqorkii Ingiriiska Prince Albert Bishii Feberaayo 10-kedii, Sannadkii 1840-kii, sababtuna waxay aheyd Caddaanka oo ahaa Midab ay xiiseeyso.

Wixii Waagaas ka dambeeyay Indhaha Gabdhaha Caalamka ayaa qabtay Labiska Queen Victoria, ilaa maantana Gabar kasta waxay ku adkeysataa in Arooskeeda loo xiro Sansayeerigaas ama maro kaneecada u eg ee Cadaanka ah iyadoon is-weydiin halka uu ka yimid asalkiisu.

Dalalka Hindiya, Shiinaha iyo Vietnam way qaateen fikradda Taashka, waxaysa Midabkiisa ka dhigeen Gaduud ama Casaan, Maadaama Gaduudku Dhaqankooda Sumad ugu yahay Farxad iyo Yididiilo fiican.

Soomaaliya iyo Carabta oo ah dad il-Baxnimo ahaan isu dhow, waxba kama bedelin Farsamadii Victoria ee waxay u qaateen sideedii.

Ingiriiska oo ay kasoo jeeddo Queen Victoria, Diin iyo Dhaqanba ma Wadaagno ee toloow maxaa diiday in Gabdhaheenu Labiska Guurka uga daydaan Saxaabadii aan kasoo gaarnay Diinta iyo Ayeeyo-Yaashii Dhaqanka, oo ay soo xirtaan Xijaabka Sharciga ah, Dharka Asturan ee Hiddaha iyo Dhaqanka ama Nooc Sheeno ah oo ay iyadu Masxakdeeda kasoo Hindistay aannana ka hor imaaneyn Diinteeda iyo Dhaqankeeda?

Sida aan isleeyahay Damiirka Nin Rag ahi ma aqbali karo in Sansayeerigaas Shabaqa ah loo xiro Xaaskiisa oo ay Indhaha dadku wada qabtaan maadaama aysan aheyn Badeeco la Suuq-Geynayo oo ay tahay Boqorad loo Gelbinayo Qasrigeeda, ee tolow ma jiraa Taash Asturan? hadduu jirana ma arkee maxaa dhacay?

Qalinkii: Hussain Sabrie

Ka Faaidaysi Wacan | Soo Dhawaada.
FIKIRKAAGA HALKAAN NOOGU REEB ADIGOO ISTICMAALAYA
FACEBOOK COMMENTS